Navigation

Migros - Ein M besser

«Alles mitenand»

Die Luzerner Musikerin, Slam Poetin und Kabarettistin Lisa Brunner ist eine der 50 Teilnehmenden der Poetry Slam Schweizer Meisterschaften von Ende März in Luzern. Das Kulturprozent präsentiert ein «Müsterli» aus ihrem Text «Euphorismen».

«S’Flusesieb bim Tumbler, d’Vermietig mahnt di,
muesch es putze, hesch ke Luscht,
aber machsch es halt,langsam ziehsch das Züüg gäg abe
Oder bi de Prinzerolle: Zerscht s’obere Biscuit drab,
denn d’Schoggicrème mit de Zähnd
wie Haase abschabe
E halb Stund heiss dusche, wenns rägnet veruss,
d’Cremeschnitte ablegge, zletscht de Zuckerguss
Ame Grashalm uefahre, de hesch es Blüemli i de Händ,
macht mi glücklich,
för e munzige Momänt

Bi jedem g’ässne Schöggeli s’Aluminiumpapierli glattstriiche,
dass es kei Fältli meh ged,
Augebraue uszupfe, und d’Wurzle chunt med
Ide Bratpfanne Wasser schwänke,
de Sog, wo Würfelzucker i Kafi tued versänke
D’Huut vo de Cervelat abziäh,
Strumpfhose ueziäh,
Underhose usem Spalt ziäh,
und bim 3min-Ei das Hüütli inne am Ei vo de Schale ewäg zieh
Bi de Toffifee das Schoggiplättli zerscht mit de Zähnd
macht mi glücklich, för ganz e churze Momänt

Oder Samt i di richtig Richtig striiche,
Rüebli rundume ässe, und am Schluss bliibt dä Stiel,
isch das no Rüebli? Das isch doch ned s’gliiche?
Dä Stiel isch so sehnig
Is Amaretto bisse, und ide Mitti ischs no gummig
Manderinli schäle, und all das wisse Züüg chunt med,
sini eiget Huut schmöcke, wenn me Sunnecrème igstrieche hed
Am Meer versinke im weichnasse Sand,
dis Lache am Morge, dis Bild ade Wand
macht mi glücklich,
alles mitenand.»

Kulturprozent_Logo_4_3.jpg

Poetry Slam Schweizermeisterschaften

Wer ist die beste Slampoetin, der beste Slampoet der Schweiz? Das Migros-Kulturprozent unterstützt die Schweizer Meisterschaften in Luzern – vom 28. bis 30. März im Neubad, in der Bar 59 und der Loge.


Infos und Vorverkauf: 2019.poetryslam.ch

Dies könnte Sie auch noch interessieren